Πατέρα δώσ με την ευχή σ - Στίχοι Ποντιακών τραγουδιών
Είστε εδώ Αρχική » Στίχοι Ποντιακών τραγουδιών » Πατέρα δώσ με την ευχή σ

Πατέρα δώσ με την ευχή σ

print
email

Πατέρα δώσ' με την ευχή σ'
από σουμά σ' θα φεύω,
έρθεν η ώρα ση ζωήν
την τύχη μ' ν’ αραεύω

Αχ υιέμ και πως ετράνηνες
αμόν κυπαρισσόπον
έρθεν η ώρα'  να παντρεύς
να φτας τ’ εσόν σπιτόπον

Πατέρα την ισκιά τ’ εσόν
εγώ θα αραεύω,
σην θάλασσαν αμόν παπόρ
χωρίς εσέν πατεύω

Αχ αν ρούεις θα παραστέκωσαι
'κι αφήνωσε να χάσαι,
ο κυρ γούρπαν να ίνεται
υιέ `μ να εθυμάσαι

Πατέρα εσύ εδέκες με
τ’ εσόν την δεαρμενίαν,
πως θα πορεύω με τ’ ανθρώπς
για πέειμε άλλον μίαν

Αχ δεκάρα κανενός μη τρως
σην ψυς μη βαλτς κακίαν,
να βοηθάς τ’ ανήμπορους
κακόν μ’ εφτάς καμίαν

Η συμβουλή σ' πατέρα μου
αμόν σταυρόν σαν νιάτα μ'
και θα εβγάζεις φυλαχτόν
για τη ζωής τη στράταν!

Έχει διαβαστεί 1825 φορές

StathisNikolaidis.gr στο Facebook

Πρόγραμμα εμφανίσεων του Στάθη Νικολαΐδη

Πόσοι είναι online

Έχουμε online 7 επισκέπτες και 0 μέλη.

Rentasite.GR ~ Rentasite Web Services

Επίσημη ιστοσελίδα του Στάθη Νικολαΐδη © 2014 - StathisNikolaidis.gr Rss Feeds Email Η σελίδα μας στο Facebook Μετάβαση στην έκδοση για κινητά Επιστροφή στην κορυφή